Bu gün Azərbaycanda bir neçə bölgədə zəlzələ baş verib.
Məlumata əsasən, zəlzələ Şabran, Qəbələ, Sumqayıt, Bakı, Quba, Qusar, Xınalıq, Gəncə, Tovuz, Qazax, Ağstafa və Şəmkir də daxil olmaqla bir çox ərazidə hiss edilib.
Avropa Aralıq dənizi Seysmoloji Mərkəzi bildirir ki, zəlzələnin episentri Xəzər dənizində olub və 5.4 bal gücündə qeydə alınıb.
Respublika Seysmoloji Xidmət Mərkəzinin açıqlamasına görə, yeraltı təkanların ocağı Dağıstan ərazisində, 66 kilometr dərinlikdə yerləşib. Zəlzələnin maqnitudası isə 5.3 olub. Təkanlar Azərbaycanın şimal və qərb bölgələrində 3–4 bal gücündə hiss olunub.
