Bu gün, 27 sentyabr, Vətən müharibəsinin başlanmasının və şəhidlərimizin əziz xatirəsinin anıldığı gündür. 2020-ci il tarixində başlanan İkinci Qarabağ müharibəsi Azərbaycan xalqının qəhrəmanlıq salnaməsinin bir parçasına çevrildi. 44 günlük müharibə nəticəsində, Azərbaycan Ordusu torpaqlarımızı işğaldan azad edərək, tariximizdə yeni bir səhifə açdı.
Şabran İNFO olaraq, bu müqəddəs Anım Günündə bütün şəhidlərimizi ehtiramla yad edirik. Onların göstərdiyi fədakarlıq və qəhrəmanlıq sayəsində bugün azad bir vətəndə yaşayırıq. Şəhidlərimizin qanı ilə yazılan bu zəfər, Azərbaycanın gələcək nəsillərinə ilham verəcəkdir.
Dövlətimiz və xalqımız hər zaman şəhid ailələrinin yanında olmuş, onların qəhrəman övladlarının xatirəsini daim yaşatmışdır. Bugün biz, onların xatirəsini yalnız dildə deyil, qəlbimizdə də yaşadırıq.
Əziz şəhidlərimizin ruhu qarşısında baş əyir və Anım Günündə onların ailələrinə, doğmalarına səbir və güc arzulayırıq. Qəhrəmanlarımızın xatirəsi daim qəlbimizdə yaşayacaq!
