2024-cü ilin oktyabr ayında Qida Təhlükəsizliyi Agentliyinin sədri Qoşqar Təhməzli, vətəndaşların problemlərini dinləmək və onların həlli yollarını müzakirə etmək məqsədilə Qusarda geniş görüş keçirəcək. Bu vacib tədbirdə Şabran, Qusar, Quba, Xaçmaz, Siyəzən və Xızı rayonlarının sakinləri iştirak edə biləcək.
Şabran İNFO-nun verdiyi məlumata görə, Şabran sakinləri də bu görüşdə aktiv iştirak edərək, kənd təsərrüfatı, qida təhlükəsizliyi və digər vacib məsələlərlə bağlı öz müraciətlərini birbaşa Qoşqar Təhməzliyə çatdırma fürsəti əldə edəcəklər. Görüş 21 oktyabr 2024-cü il tarixində, saat 10:00-da başlayacaq və vətəndaşların suallarına cavab veriləcək, qaldırılan problemlərin həlli yolları araşdırılacaq.
