Quba şəhərində “Mən fəxr edirəm ki, Azərbaycanlıyam” adlı Beynəlxalq Folklor Rəqs və Yaradıcılıq Festivalı keçirilib. Bu barədə ShimalNews 11 may tarixində məlumat verir.
Ümummilli lider Heydər Əliyevin anadan olmasının 101-ci ildönümü münasibətilə keçirilən tədbirə icra başçısı İlqar Mahmudov, Rayon İcra Hakimiyyətinin məsul şəxsləri, YAP Quba Rayon Təşkilatının sədri və kollektivi, rayonun hüquq-mühafizə orqanlarının rəhbərləri və kollektivləri, Quba-Xaçmaz Regional Təhsil İdarəsinin rəhbərliyi və təhsil işçiləri, şəhid ailələri və qazilər, rayonun idarə, müəssisə, təşkilatlarının rəhbərləri və kollektivləri, rayon ictimaiyyətinin nümayəndələri, gənclər və tələbələr qatılıblar.
Uşaq-Gənclər İnkişaf mərkəzlərinin rəqs kollektivlərinin paradı baş tutmuşdur. Daha sonra “Yaşıl teatr”da rəqs kollektivlərinin rəngarəng rəqs nömrələrinin nümayişi keçirilib, sonda isə atəşfəşanlıq təşkil olunub.
