Şabran İNFO məlumat verir ki, Azərbaycanlı qadın cüdoçular Könül Əliyeva (52 kq) və Fidan Əlizadə (57 kq) Estoniyanın paytaxtı Tallin şəhərində keçirilən Avropa çempionatında qalib gəlmişlər.
Könül Əliyeva bütün rəqiblərini məğlub edərək turnirdə Azərbaycana ilk qızıl medalı qazandırıb. O, fəxri kürsünün ən yüksək pilləsinə qalxmışdır.
Fidan Əlizadə də öz bütün rəqiblərini yenərək fəxri kürsünün ən yüksək pilləsinə qalxmış və Azərbaycana ikinci qızıl medalı gətirmişdir. Finalda o, Gürcüstandan olan Nino Loladzeni məğlub etmişdir.
Bundan başqa, Nizami İmranov (60 kq) gümüş medalla mükafatlandırılmışdır.
Qeyd edək ki, Avropa çempionatı sentyabrın 8-də başa çatacaq.
