Şabran şəhər İcmasının İnkişafı üzrə Təlim və Resurs ictimai birlyinin təşkilatçılığı ilə və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi daxilində, “Şabran rayonunda məskunlaşmış Qərbi Azərbaycanlı soydaşlarımız arasında əzəli torpaqlarımıza qayıdış imkanlarının təbliği” layihəsi çərçivəsində yeni bir lövhə-panno quraşdırılıb.
Bu panno, Şabran şəhərinin mərkəzi Heydər Əliyev prospektində yerləşən Zərifə Əliyeva adına parkda yer alır və Azərbaycanın tarixi torpaqlarını əhatə edən coğrafi əraziləri və onunla bağlı tarixi faktları əks etdirir.
Cebheinfo.az xəbər agentliyinin məlumatına görə, layihə rəhbəri Gülsənəm Əmrahova bu lövhənin Qərbi Azərbaycan torpaqları da daxil olmaqla, Azərbaycanın geniş ərazilərini təsvir etdiyini bildirib.
