Şabran rayonu üzrə təhsil sektorunun müdiri Emin Mövsümov, Məmmədağa Nəzirov adına 4 nömrəli tam orta məktəbin pedaqoji kollektivi ilə görüş keçirmişdir. Görüş zamanı Emin Mövsümov müəllimləri 5 oktyabrda qeyd olunacaq Beynəlxalq Müəllimlər Günü münasibətilə əvvəlcədən təbrik edib, onların peşə fəaliyyətində uğurlar arzulayıb.
Daha sonra, görüş zamanı məktəbin təlim nəticələri, növbəti tədris ili üçün qarşıya qoyulan məqsədlər, tədrisin keyfiyyətinin yüksəldilməsi üçün atılacaq addımlar müzakirə edilmişdir. Bununla yanaşı, şagird-müəllim və məktəb-valideyn münasibətlərinin inkişafı məsələləri də ətraflı şəkildə təhlil edilib.
